مشاهد نار
مشاهد نار
تتكرر وبيها انشوف حاضر فات
وبنفس العذاب اتعود
ما متغيره الأدوار
مشاهد نار
كسرن ضهر فارس ضيغم وكرار
مشاهد نار
بس نارين
وصفنّه بين هاي وهاي
شبه بيهن لگينه أهواي
طفل وادموع
دم واضلوع
بس ضل الفرق .. بسمار
مشاهد نار
ترسم لوحة بيها اضلوع
موجيات
لن حذو الحوافر حار
مشاهد نار
هيج الصار
بين أم وابنها أهواي
حركوا خيمه حركوا دار
مشاهد نار
كل مشهد وتر موتور
وايعاين لصاحب ثار
يمته الثار
كافي النار
ارجع يا غصن موروث
ضل من زهرة المختار
ارجع
لبس أهل النار
ذل وعار
مو انت الوراك انگول صار الصار
حرگوا .. وانتهى المشوار
يمن صبح ومسا ندريك
عينك تفگد الفقار
ارجع بدل الأدوار
وأگلبها مشاهد دم
رد وبعالي صوتك صيح
بعد ماكو ... مشاهد نار
كرار المحمداوي
رد مع اقتباس
