هوسات حسينية
نعم عباس واحد بس وحيد افعال
من يزعل يهز الكون جن زلزال
يجيب الحك يمينه ويعدل الي مال
يطب بيها والحك يجيبه
____________
دم حسين ثبت للعدل مقياس
مامات واشوفه بوجه هاي الناس
روه حسين دمه الدين من الساس
رواها بالطف من دمه
_______________
يا شمس الاخوه الضوت عللدين
مثلك وين يا عباس مكو ثنين
إبن حيدر علي وناصر أخوك حسين
وفاها عباس الخوه
_______________
الغيره تفصلت من جفك وصيته
يوم الماي دون حسين بديته
زرعت انته الفضل وبجود حصديته
من ساويت الروس بجفك
________________
كوم تعنه زينب طاحت بشده
وعيون الحزن من الدمع رمده
يسيف الماتهاب الموت وتعده
انته الموت المايخطي احد
_____________
شوصف بيك ونته الوصف ماجابك
ابن حيدر علي يالماتسد بابك
يبو الحاجات كلنا اليوم طلابك
تكضيها عباس الشده
____________
وين الماي يا عباس وين الجود
وين جفوفك وين العلم موجود
صدك طاحن على الميدان يا بو الزود
من طاحن الدنيه هتزت
_______________
ماواحد سبك عباس لا محد
سيف الموت هوه العلعده مجرد
مالاواه واحد والركب تشهد
تكص يمناه الراد يلاوي
______________
الخوه تريد زود ومرجله ونوماس
تريد الي يشد الضهر بيه الباس
تريد الي يهد الحسين جن عباس
معروفه تشهد صولات
______________
معروف الولد ثلثين من خاله
بس عباس حيدر خامه وفصاله
علي يخلف ولد مايشبه أفعاله
من حيدر السيف وجفه
م
رد مع اقتباس
