هنا

[فقار الكرخي]

أنه زين العابدين
انه أبن ذاك الحزين الريكه يابس

أنه أبن ذاك الغريب
الفوك نحره قامت الزهره مجالس

صدر أبوي بلا قميص
عاري خلو على الرمل وبلا ملابس

ونخسف صدره نخسف
من كثر ما أبن جوشن فوكه جالس

والشمر آه يالشمر
متمسك بنحره * وكاعد على صدره
حسيني خلص عمره



أنه بالخيمه عليل
وصوت ابوي الدافي خلاني أسمعه

يصيح ألا من ناصراً
ضل وحيد بلا أخو ويده على ضلعه

شلت للخيمه طرف
وشفتة رايد سهم البگلبه يشلعه

الخيل اجت من كل مكان
حافرينزل الجسم حافر يرفعه

السلام على الغريب
ما ضل ضلع عنده * الحافر سحك خده
وحافر مرد جبده



من الگفة ذبحو أبوي
وعلى الرمل راسه بقى يباوع علية

عيونه أسمعهن تصيح
ياعلي عينك على بنيتي رقية

تغطي عين أختك أريد
عاري خاف تشوفني وتركض الية

خايف الذبحي تجي
والشمر يضربهة أذا لزمت أدية

بوية أختك لا تجي
أشبگهة ما أكدر * شيبي غده أحمر
ومطبر المنحر


السلام على الغريب
مدد بحر الظهر وبهل الترابة

الرمل على اللحيه حار
جوه بخدوده لحد ما لحمه ذابه

والشفاه الذابلات
سولفلي نالتقي بذيچ الخرابة

ونقطع ذاك الحديث
شخص كام أدنه ليه رايد ثيابه

بخنجره الظالم اجاه

واكف بقة كباله * عينه على سرواله
حسيني نسبى حاله



الرؤؤس صلت على الرماح
واني يغمه عليه مره ومره اصحه

حسين هذا العلرمح
هذا لا مو رأس أبوي أهواي جرحه

تقربت يم راسه حيل
تبين الحافر شلع من رأسه صفحه

بچف سنان أبن أنس
رأس أبو سكينة الغريب العالي رمحه

كتلة مهلاً يا سنان
خليني أضل يمة * نزلي أبو اليمة
أمسح ردت دمة








الشاعر أمير السعيدي

[Secluded]

شكراً "

[مِـيهہرَمــآهہ ♬✿]

ياحسين مأجور اخي

[انثى مخمليةة]

شكرا فقار