هنا

[فقار الكرخي]

تمنيتك حلم ياطف..

ولا شوفنها زينب تركظ اعله التل
ولا شوفن يتامه متيها ماتندل
ولا شوف الحسين يودع بعباس..ويجي العاشر ومانعرف شنو المقتل..

تمنيتك حلم ياطف..
وافز ما الكه حرك خيام.. وزينب يمها واليها..
وباوع للرباب بخير
وبعد عبد الله بيديها
وروحن يم رقية حسين.. وتلمس تراجيها..
رسايلهم جذب يحسين.. ويرد ماصدّكت بيها

تمنيتك حلم ياطف.
ولا شوف العيال ميسره للشام.
ولاشوفنها زينب حايره بايتام
ولاشوفن جروح حسين ماتلتام

تمنيتك حلم ياطف..
ويفز من نومته التاريخ ويسولف صدك عنك..
ومسح هالحجي يحسين ابد ما سابح بدمك
وكتب عله الرسايل ذيج سوالف خاف ياذنك

يحسين يمرايت محمد
الكتوبها مو عالشيعه تنعد
بالك تجي للكوفه مولاي .
يغدرون بيك الله ولحد






محمود اليزل

[Secluded]

شكراً "

[سیدحسن]

يستاهل شاعره محمود اليزل وناشره ايضا احسنت اخي الغالي ان شاء الله كل التوفيق

[صفاء العامري]

شكرا جزيلا

[انثى مخمليةة]

احسنت النشر