هنا

[كريمے بنزيمے]

احلى ايام زمان

التلفزيون ينسد الساعه ١٢ الظهر وينفتح الساعه ٤ العصر وينسد الساعة ١٢ ليلا !!!!

والعشاء خفيف
والبنكة على 5
وگاعد تحل واجب الخط.
صدگ چانت حياة حلوه ماكو مسؤوليه ماكو تفكير الله عليها من ايام ...

* كل ما انشوف طيارة اني وجماعتي نگعد نصرخ ونسوي لهم مع السلامة مع السلامة ...

* تذكرون من تسألك امك الساعة كم ؟؟؟ تكول لها الچبير على اربعة والزغير على ستة

*نحس بإنجاز وفرح وشي عظيم إذا طلعت الشمس واحنا لحد هسه ما نايمين

* ننتطر الامتحانات علمود ما ناخذ الجنطة
و ننتطر وقت الشهادة علمود نلبس لبس حلو ونكشخ
اكيييييد سويت شيء منها او كلها ...

1- يوم چنت صغير رسمت الشمس بزاوية الورقة

2- يوم چنت صغير جنت تفكر ان شكل القلب الحقيقي هيج

[كريمے بنزيمے]

3- تسد باب الثلاجة شويه شويه بس علمود تعرف شوكت يطفأ الگلوب مال الثلاجة ذكاء ...

4- حاولت توازن مفاتيح الكهرباء بين ON و OFF ...

5- من واحد من اهلك يطلب منك گلاص مي لازم تشرب شوية وقبل ما تدخل تمسح حلگك حتى محد يعرف انك
شربت .
6.وقت الغروب كلها طالعه بالشارع وتشوف ولد وبنات يلعبون سوه
7.تطفه الكهرباء نصعد للسطح وناخذ فراشنه ونضل انباوع للسمه ونخاف نحسب النجوم لان الي كان يحسب النجوم على اساس يطلع بي فالول واحنه مصدكين

[كريمے بنزيمے]

8.ومن ييجي العيد قبله بيوم انته تحط ملابسك الجدد جوه راسك والملابس كانت من البازه
* اكيد هسه انت اخذك عقلك ع ذيچ الايام وعايش اللحظة
قمة الفخامة ايام الابتدائية
من ينطيك المعلم طباشير و أوراق ويگولك وصلها للمعلم بالصف الثاني
تدخل ذاك الصف گدام الطلاب
تحس نفسك مبعوث الأمم المتحدة
ايام لاتنسى راحت بعد

الي عاش هاي الايام ينورنا

[هيلــه]

..
اغلبها عايشتها

[Secluded]

يي وربي ڪلها حـلوه ، أحـلى شي فقرة مـلابس العيد "

[راشـيـل يـعـقـوب ✡︎]

:"(

[كريمے بنزيمے]

احلى شي مال ماي ومال ثلاجة ههه وطباشير

[أبن ألأشتر]

كله الموضوع حلو في حلو
وماكو طبخ يبات .كله افرش
انسوي ارواحتنا سابحين نغسل روسنا ورجلينا بس الوسط ترك ونطلع انكول توني سابح .
نطلع للشارع وخبزة بأدينا ونعلس بيها
بجايمنا مخططة جنها مطي وحشي
دشاديشنا من فرط اللعب صايرة يراويد
انعال ابوالاصبع دوم مكطوع وشادينه ابسيمة .. ابداع
حذاء لاستيك وحده واكثرهم مشرومة من الخلف
واذا عدنا الباس جديد نرفع اثيابنا ونتكشخ فيه
العصافير تعرفنا من بعيد وتطير .. جنها منقرضة في مناطقنا ... صيادين
........
نعم ايام حلوة مشكور