المشاركة الأصلية كتبت بواسطة ايليتا
اني همين... هاي رادلها كرزات ونوتيلا... وكريب فواكه.. أزمة الحضرموتتنه الضوجه
اي ولله
اني همين... هاي رادلها كرزات ونوتيلا... وكريب فواكه.. أزمة الحضر
اي ولله
الكلمات لا تؤثر فينا بشكل مؤقت إنها تغيرنا بالكامل .."
هذا الاعتراف بيه سوالف كومة .. وركزلي على هاي الكومة لان اول مرة استعملها...
ــ شلون بالله؟؟؟
الانسان علي بن ابي طالب ... عده حكم واقوال موغلة بالصدق ... وبالحكمة .. وبكل شيء ممكن تتخيله عظيم
وحدة من اقواله : الانسان مخبوء تحت لسانه
شلون؟؟؟
لان من كلام الانسان ممكن نكوّن صورة عنه .. وممكن نعرف شعوراته الداخلية .. وممكن يفضح روحه بروحه .. بس احنة لازم نشغل ثارومة الوعي مالتنا ونثرم شكو كلمة يكولها ويعيد تصنيعها من جديد
مثلاً ... وحدة من عضوات المنتدى هنا .. اتكول عني (شايف روحي وشايل خشمي) ... طبعا نقلاً عن صديق هنا وصديقة هنا .. لان اني ما شفت بعيني هالتعليق ... وباعتبارهم (الصديق والصديقة) اثق بيهم ثقة عمياء .. فراح اعتمد صحة قوله ..
طبيعي كل واحد يشوف روحه .. ويكون معتد بنفسه .. والا محد خلة مراية ببيتهم .. ولا حاول يطلع بصورة مقبولة بنظر الاخرين ..
وطبيعي كل واحد يشيل خشمه ويكون مترفع عن بعض الامور اللي قد يشوفها الاخر محورية بالنسبة اله لكن هو يشوفها مو ذات اهمية ...
والا اذا الاخر يريدك على ما يريد ... تخرب السالفة من اصلها لان اني مو انت ... وانت مو الاخر .. وهكذا .. الاختلاف سمة من سمات التكامل
ــ هاي السالفة شنو علاقتها بالكلمات؟؟؟
ــ اني اكلك ..
انت ما تكدر تحكم على اي واحد الا تسمع كلامه .. وتقيس مدى معرفتها بالكلمات ومعانيها حتى يكدر يوصلك المعنى اللي يريده .. وانت بهاي الاثناء لازم تحلل ايحاء الكلمات اللي يكولها وتعرف ما تخفيه من معاني خلفها .. اعتماداً على السياق اللي اجت بيه .. وبعبارة اخرى الجملة اللي تنكال لازم الها دلالة ثانية غير معانيها المتعارفة ..
وبالتالي راح تعرف ها صدك شايل خشمه؟؟
وهذاك صدك شايف روحه ؟؟
مثلا .. بالعراق نستخدم كلمة (وزير) وبغير مكان من العالم يستخدمون كلمة (سكرتير) ، مع ان الوظيفتين نفس الشي، لكن ايحاء الاولى يختلف عن الثانية، وفيما توحي الاولى بالتسلط والعلّية .. توحي الثانية بالبساطة .. والخدمة ..
وبعبارة سياسية توحي الاولى بالدكتاتورية والثانية بالديمقراطية..
اذا ناخذ الناس على سلوكهم .. فمحد مجبر بتفسير سلوكه لاحد .. واذا ناخذها على نقل الاخرين .. فالاخرين ينقلولك تصورهم هم .. وهذا بالتأكيد ما راح يكون موضوعي ..
ــ زين جا انت شلون اعتمدت على نقل الصديق والصديقة ؟؟
ــ اني اكلك .. الصديق والصديقة ما نقلولي حكمهم .. ولا اني خليت حكم براسي .. اني هنا وصفت حادثة تخفي وراها مدى العلاقة بين الصورة المرئية والصورة المسموعة/المقروءة ... وهاي العلاقة توفرها اللغة من خلال التواصل ... واستخدام الكلمات وايحاءاتها او مدلولاتها..
لان كل واحد بينة اكو عده مخزون لغوي .. يستعمله بالامور اليومية اللي تصادفه .. مثلاً جان المقبور صدام .. عده كلمات مثل (ينبغي/فحسب) وهذني دائما ما يكررهن بكلامه ..
اكو واحد مثلا كل حجايتين والثالثة يكول (مو) او يكول (والله) ... او يمد صوت بلا معنى (ااااااا) قبل بداية الجملة او قبل ان يكمل عباراته .. او ياخذها كفواصل اثناء الحديث