نمرة ثلاثة ...المشاركة الأصلية كتبت بواسطة راهب
من يسولفلك واحد سالفة .. ويعوف الحدث الاساسي وينشغل بتفاصيل ما الها علاقة بالحدث ..
لا والنووووب يرسمها الك بحرفية ..
يحددلك المكان والزمان .. بحيث تلكة البنية لابسة نفس الفستان اللي جانت لابسته باول طيحة الباقلة ..
او استكان الجاي مثل استكانات عمتك اللي جابتهن بيوم طهور ابن اخوك ... من شرد وبقتوا تدرون عليه ولكاه محمد ...
بهاي الحالة انت اتظل بس صافن ...وتغم بروحك.
يكولك كلشي قسمه ونصيب ماروح لدوام ما اشتغل خلي القسمه ونصيب ينطيني فلوس
نذب فشلنا وتجاربنا الفاشله وضعفنا على القسمه ونصيب من نفشل نكول الله كاتبه يصير بس من ننجح ونسوي فد انجاز ننسى الله ونكول احنا سويناه لاقسمه وًُّلُِآًءًْ بطيخ الله انطاك عقل تدبر بي نفسك الفاشل يبقى فاشل لاقسمه وًُّلُِآً بطيخ هسه مثلا اني فاشل القسمه شعليه
كمل كمل
النمرة اربعة ...
تجيك رسالة .. ما تعرفلها راس من ساس ... نص ساعة تقراها اتريد بس اتعرفه شنو اليريدة ..
وانت في غمرة القراءة والتحليل والكتابة له بطلب التوضيح .. يخابرك .. يكلك شو ما رديتلي جواب؟؟
هنا ... ما تضمن ردة فعلك ... بس موبايلك خطية .. يمكنه ان يجد طريقة في وجه اقرب حايط
النمرة خمسة ....
وانت في لجة الليل ... تعزف بك الموسيقى لحنها الهادئ ..
تؤسس مشهدك اللذيذ .. وترسم زواياه العابقة بكل شيء جميل ..
بانتظار دهشة ما ...
فتأتيك على صيغة سؤال ...
(اكلك شو ما اجت التموينية)؟؟؟؟
......................................
نتلقى ردود افعالكم هاتف البرنامج : زيرو ونين تلت تلاتات .... والباقي من يمكم
تصبحوووون جدا
في المِسودات مسودةٌ فارغة ظاهِرياً ، ولكنها مُمتلئة بِشعور كانت الحروف عاجزة عن وصفه .
...
_ صباح الخير
_ هلا
_هاي شبيك اليوم مطنكَر .؟
_ ماكو شي , بس اليوم الصبح أكعدت متأخر على الدوام
من طلعت من البيت مستعجل لكَيت اطار السيارة بنجر
أخذت تكسي وقريب على الفلكه ازدحام فنزلت من التكسي
رحت للدائرة سيراً ومن وصلت الدائرة اتفقدت الموبايل لكَيته ماكو
اتصلت على خطي و جاوبني ابو التكسي .. طلعت ناسيه على الديشبول
رجعت أمشي على ابو التكسي لكَيته متشاجر مع صاحب سيارة ثاني والدنيا مكَلوبه
راعيت الموقف و انتظرت على صفحه لحد ما تخلص المعركة
خلصت المعركه ,, أتقربت على ابو التكسي ( عمو اني صاحب الموبايل )
و بكل خشونه و عنفوان جنوبي أسمر غاضب:
( هااك موبايلك ,, اتفقد نفسك خافي ناسي شي ثاني بعد) ... عادي
و سلامتك
_ و هسه شراح تسوي .؟
_ أطنكر لنهاية الدوام
اعترف ( لحد الان افكر بكلام ابو التكسي .. شنو قصده .؟ )
مطلوب تسوي مسحة لان المبايل احتمال نقل الك لا سامح الله
اذا قصدك كورونا , عادي .. أتصور الفايروس أهون من كلامه المنفلت
