#لو_عدهن_إنصاف
كلمات : #علي_الدلفي
لو عِدهن إنصاف
چا مايظل بيهن ضوة
وي طيحتك كون
إثنينهن يعمن سوة
وآني البلياك
عايش واشتم الهوا
اتخيلتك شلون
لمن تودع العايلة
وإتمعّنت بيك
وحدك تظل بكربلة
فراشك رمل حار
وآني الينام بنص هله
عن ياحب اسولف يامعاناة
بالموقف ذليلة الاعتذارات
كلبك ينكسر يااشرف الناس
واني لـ هالدقيقة كلبي مامات
لو عدهن إنصاف
ضلوعي چا يتكسرن
من هجمت الخيل
سحگت على صدر الزّمن
العوج على فرگاك
إتمنّيت لو يتعدلن
لتگلّي معذور
لاتلتمس لي أي عذر
راسي انرفع بيك
وراسك يحز بيه الشمر
آني أمشي مرتاح
وأطفالك بنص الجمر
كون الموت من تريده تلگاه
حتى الّي تحبّه تموت وياه
حسين أكبر بعد من كُبْر الجروح
مو شغلة عزة نبچي و ننعاه
لو عدهن إنصاف
عشرتهن يطيحن إلك
وتموع الچفوف
لمّن إصبعك ودّعك
وتموت الأحلام
وياليتنا كنّا معك
وي حرگ الخيام
كون احترگ ماأنطفي
كون اصبح رماد
تاخذني ريح واختفي
اتمنى يحسين
مو أحچي مشهد عاطفي
هاي امنيتي كل مصباح عاشر
أنويها گبل ذبح المشاعر
أستشهد واطب للجنة والگاك
وأقرالك عزائك وانت حاضر
تحميل MP3
رد مع اقتباس
