هنا

[ارجع يازمان]

راح أرسم قصيده ابحُب الحسين
وبيرغ بالانذار ايدك الاجراس

لازم اجمع أشواك المحبين
وصرخات اليتامه الكطع الانفاس

وارسم صوره لاعدام الرياحين
لان جان الفرات امضيع الاحساس!

وأرسم رايه بصدور الدواويين
حتى ابكل وكت بعيوني تنباس!

اهناك اتقابلوا بالحومه صَفين
أصحاب الحسين وصف الأرجاس

اجيوش ال اميه اكبال سبعين
الواحد بالف و يكمل الداس!

قارنت الصفوف ابنظرة العين!
شفت العجباني ويرفع الراس

اعاين هازغر جيش الملاعيين
وعبد الله الرضيع اشكبره يا ناس!

سبحان المسح كل السلاطين!
ويخَلد رضيع الثابت الساس

العطر الصدك مو بالبساتين
بس عطر الشهاده الماله مقياس!

لازم بالقصيده احتاج جَفين
والرايه ونهر واهوايه حراس...

واحتاج السهم مافارك العين
عاشكها ويريد ابضيها ينجاس

اشطوله الفرات ابلايا تخمين
لكن ابو فاضل حطه بالطاس!

رسمو بالهزيمه اشكد درابين!!
لمن شاهدوا بالحومه نبراس

شافوا حيدر ابصولات صِفين
شردو واليضل اكباله ينداس!

الهسه الصدى ابنص الميادين
ولاهل الوفه مفهوم الاحساس

يكللها يزينب لا تخافين
كفالج يضل بالدنيا عباس
كفالج يضل بالدنيا عباس
؛
حسين االساعدي​

[Secluded]

شكراً "

[انثى مخمليةة]

شكرا

[ارجع يازمان]

شكراً "

منورين

[ارجع يازمان]

شكرا

حضوركم اجمل