أنوح لمصاب الشهيد وغربته
أنوح لمصاب الشهيد وغربته
وأواسي بدموعي مصابه ومحنته
اذكرت ليلة البيهه ودّع عيلته
جِمَع حسرِته بمهجته وهل دمعته
الله أكبر ** اعليهم تهدّم حيله
-------------
أريد ابتدي بيا مصيبة ويا الم
وأنين الحراير عِلَه بوسط الخيم
بدت زينب تودّعه لراعي العلم
اوتقبّل مقلته اليطفّيهه السهم
الله أكبر ** دمع الحزن تجريله
-------------
بِدَت أم الاكبر تودعه بل دمع
تضمّه لصدرهه وعليه تحني الضلع
تنوح وتقبّل ضوه اجبينه اليِشِع
اوتنادي عگب عينك ابقه بيا وضع
الله أكبر ** الاكبر يودع ليلة
-------------
او گِصَد جاسم وصاح اريد اوصيتي
بگت ليلة وحده وأودّع دنيتي
اهتِفَت رمله يبني او يَفَلذة چبدتي
يجاسم وداعك رماني بمهجتي
الله أكبر ** وتودّعه وتدعيله
-------------
اوذِكَرت الرباب الفِتَك بيهه الحزن
هوت عل مهد تجري دمعتهه وتحن
اوتنادي يعبد الله گلبي ممتحن
يعبد الله عگبك أظل انحب و اون
الله اكبر ** بل مدمع تناغيله
-------------
اوذِكَرت الغريب التجارت عبرته
اولفت يَمّه سكنه تنوح لفرگته
اورقية ابدمعهه توجّر جمرته
نظر عيلته وگلبه ذاب ابحسرته
الله أكبر ** حسين ويودع العيله
عقيل الكاظمي
رد مع اقتباس