قرآنچ خيم .
قرآنچ خيم . آياتچ ظعن
بعيونج سبي صعبه ينمحن
يازينب يازينب يازينب يازينب
*
ترتيلچ عزاء. اطفال ونساء
ترنيمة مصاب دمعاتچ قرن
تسبيحچ جراح. واقنوتج نياح
بشفاف الرماح. آياتچ صفن
هضيمه
كل عمرج اخيام وهزل. هضيمه
تگضينه والمـدمـع يهل. هضيمه
جـرحچ ولايـبـره بعــد. يزينب
من شفتي مذبوح الطفل. هضيمه
نبضاتچ تدگ. نسوان انسبن
بعيونچ سبي. صعبه ينمحن
يازينب يازينب يازينب يازينب
****
يالعشتي عذاب. احلامچ سراب
لوشفتي الرباب. اتضمينه المهد
مذبوح الرضيع. ياورد الربيع
اتلوليله وتصيح. هم تگعد بعد
مصيبه
رمله على جاسـم تـون. مصيبه
بـحـنة زفـافـه يـندفن. مصيبه
عريـس ابنـها وينـذبـح. تشوفه
ايجازيها برباها تظن. مصيبه
امصابچ كلف. يا أخت الحسن
بعيونچ سبي. صعبه ينمحن
يازينب يازينب يازينب يازينب
*
مسلوبه بنات. بالهيمه تبات
ياوسفه عفاف تحديها غرب
يا درب الشام. متروس آلام
وبالليل اتنام. رقيه عالترب
رقيه
مـذبـوح ابـوها ونـسـبت. رقيه
ايصيح إضربوها لوبچت. رقيه
ابـسـوطـه واگف الـشمر.عليها
وبالغربه شمعتها انطفت. رقيه
مذبوح الضوه. اشموعچ طفن
بعيونچ سبي. صعبه ينمحن
يازينب يازينب يازينب يازينب
**
حياتچ حداد. الوانچ سواد
انفاسچ رماد. عطاب الخيم
ماعندچ امان. مدفون الحنان
وحدچ والزمان. ماعنده رحم
عجيبه
اگـبالــچ عــشـيره تــنذبح عجيبه
راس الحُسين اعله الرمح عجيبه
اخيامچ يحرگوها الكفر عليكم
بعـيونـچ ايـمـوت الصبح. عجيبه
مصباحچ ذبح. ودموعچ جرن
بعيونچ سبي. صعبه ينمحن
يازينب يازينب يازينب يازينب
*
ماعندچ كـفيل. يالدربچ طويل
مچتوف العليل. بحبال السبي
عباسچ خضيب. وحسينچ سليب
والعيله حرام. يحديها اجنبي
يزينب
ياوسفه ونشاف الخدر. يزينب
تاليـها يـحـديـچ الشمر. يزينب
لشام يـاخذكم غـصب. حسافه
مسبيه واچبيرة عمر. يزينب
ماترهم ابد. وي ظالم مشن
بعيونچ سبي. صعبه ينمحن
يازينب يازينب يازينب يازينب
**
انعاچ ابشجون. وابچيلج عيون
واتمنى اكون. اصبحلچ عبد
ماعندي سواچ. اتمنى رضاچ
يااخت الحُسين. يابنت الحمد
اريده
مـجـلس عـزائچ والدمع. اريده
گـلـبي المـصابچ ينـفجع. اريده
اتمنى تگضي ابمجلسچ حياتي
نفـسي بـعـزائچ يـنگطع. اريده
الشاعر عمار الدراجي
رد مع اقتباس
