بهيده اعله جســـمه يالتغسلون
غمض عيونه وفاضت الروح
وسكن انينه وباقــــي الجروح
وهسه اله عينه عافـــت النوح
لاتلجمونه بهيده اطرحـــــــوه
****
بهيده اعله جســـمه يالتغسلون
هذا العليل وانتـــــــــو تدرون
امجرح تراهــــــو من المتون
ماي اعله متنه ابراضه خلـوه
*
يلجم تراهو حتـــــــــى لوماي
جرح المتون إيلمـــــــه هواي
صبوه عليه شـــــــويه بهداي
جسمه نحـــــــــــيل ولاتأذوه
*
خلو يسكن جرحـــه هالساع
يلي تكلبونه علـــــــى الكاع
باقي اثرهه اكيــــود الذراع
كَيد السلاسل هذا شـــــوفوه
*
فوك المآســــي وذيـج الآلام
وذبح الغوالي وحرك الخيام
امجتف يولي يمشـــي للشام
بغدر وحقدهم هم يســـــموه
**
بآخر حياته وســــفه مظلوم
لاماكفاهم ذيــــــــج الهموم
جبده بحقدهم والله مســموم
وهمه ونفسهم هســه غدروه
أبو علي الركابي
رد مع اقتباس