يبن اخوي المجتبى أندار الزمن
عمه هذا العاشر وحان الوعد
راد أبوك لعمك تصير السند
دكله صدرك وأدري ما تخلف وعد
روح قدم نحرك ونول السعد
وكتب بنزفك مراجل للبريه
وصه بيهه والدك قبل المنيه
لهاي السنين تنصر حسين
هل وصيه
يبن اخوي المجتبى أندار الزمن
ارد أوصيك بوصيه من الحسن
والدك يعرف تفاصيل المحن
يدري لو حلت نظل أبلا وطن
سولف اليجره ويحل بالغاضريه
وصه بيهه والدك قبل المنيه
رادك أمعين تنصر حسين
هل وصيه
*
خله العمامه ألك وي صارمه
انت التمثل الحسن بالموزمه
أرتديهه و أبرز لهل ملحمه
وقبل عمك رادك بفيض الدمه
وصيح يا عمي بدمائي حني أديه
وصه بيهه والدك قبل المنيه
بظنكت البين تنصر حسين
هل وصيه
والدك رادك يعمه لهل ظروف
كال زينب زفي جاسم بالطفوف
محله زفت أبني بملاكه السيوف
ولو وكع من نحره حنيهه الجفوف
هذا مطلب للحسن و أمه الزجيه
وصه بيهه والدك قبل المنيه
أتكحل العين تنصر حسين
هل وصيه
*
أبرز لميدانك وشيل اللوه
حسين ظامي ولو نظر شخصك روه
جن أخيه الحسن حاضر نينوه
وكربله صفين والموته سوه
أنت نذر الحسن تصبح للقضيه
وصه بيهه والدك قبل المنيه
بلميادين تنصر حسين
هل وصيه
الشاعر الحسيني ظاهر حبيب الهليجي
رد مع اقتباس