هنا

[فقار الكرخي]

علامات المنية يا علي تخبرك
لأهل بيتك يحيدر اعهد بأمرك

مضامين الفجيعة بضامر الطبرة
رسل من الدمه تصب هامتك حمره
يكاسي اعيون اهلك ملبس العبرة
صعب حالك عليها يا علي تنظرك
*
فحص جرحك طبيبك وانفطر كلبه
عرف من اللي شافه حالتك صعبه
يكلك يا علي موتك علن كربه
طبرتك يبست كل خضره البعمرك
*
سمع حجي الطبيب البيه نذير الشوم
ابو محمد واخوه وزينب وجلثوم
كالو يا طبيب شعندك امن اعلوم
نشوفك يم ابونه منحني ظهرك
*
ناداهم يسادة ومنه تجري العين
مولاي الحسن يا بو الشهامة حسين
عظيم الاجر الكم انعى ابو الحسنين
وسفه يا امامي الخارجي يغدرك

تهاوت من صدمهم هالخبر العيال
بوسط انفسهم اتغلغل نزل زلزال
ابونه راح منه تحضنه جف اجال
شلون نطيق بُعدك يالصعب امرك

يحيدر ارحم بحالة عيال ايتام
منو البعدك يواسيها بجفوف اكرام
موش انته انصبت صابوا ركن اسلام
انشلت ايد جسره بهامك اتطبرك
***

ناظم الفضلي الكربلائي

[انثى مخمليةة]

احسنت النشر