هنا

[فقار الكرخي]

انه ابكل يوم اذكره وتسجب الدمعه
وصرت شبه الغريب المختلف وضعه
يلاهي اعله الذبيح ومن كسر ظلعه
اظل انعه وتذوب الروح من انعه
وون ونت اليتيم وبالكلب حسره

اون ونت اليتيم وتنزف اجروحي
ومثل خيط الشمع ابقه احرك ابروحي
اعله ابو اليمه انوح ومابطل نوحي
وكل للروح روحي اعله المحب روحي
يرد بيه النفس من ادخل الحظره


يرد بيه النفس لوشعت الكبعه
وطوف ابحظرته وسجد على التربه
وزور ازيارته وتوسل ابربه
يموت الروح يمه وتسكن ابكربه
ازوره بكل مسه وشتم عطر كبره


ازوره بكل مسه وبدموع سجبابه
وحط ايدي اعله ضلعي واصرخ ابابه
وصيح ابصوت اه يحسين ومصابه
وتذكر علي وجسام وصحابه
وتذكر طفل حز السهم نحره


يزيد الحزن بيه وحيل انه اتالم
وروح ابثوب حزني الصوب المخيم
الطم عالوجه وجروحي تنزف دم
وقيم اعله الغريب اهناك انه الماتم
ودري بهل مجالس تحظر الزهره


تحظر بالمجالس والدمع يجري
وتصيح اويه الضلع يبني انكسر ظهري
وبعد شتشوف عني وبعد ماادري
عمت عيني انكطع كلبي ونفذ صبري
وحس نار الخيم بحشاي متوجره


اريد اختم وروح ابدمعه مدروفه
يلاهي اعله الكفيل الروح ملهوفه
تريد اتقبله وتقبل اجفوفه
وبعد عيني اويه روحي رادت اتشوفه
والمفارك محب عالبعد شيصبره



عامر رحيم القريشي

[صفاء العامري]

شكرا لك

[انثى مخمليةة]

شكرا فقار