وحك زينب لخلي السانهم ينضب
السمه اختنكت
والدخان سافر ضيف متوسد نسيم اخيام عد الله
والدنيا تغني ارماح فوك اكماط عبد الله
وهلاهل مدري من يا صوب فكت بالسمع جم باب
من صارت عطش وتراب
وصهيل اخيول من ابعيد يدخل بالاذن كوه
وصوت ادم ركض ع الناس بسكم يا غلط حوه
ابوكتهه الناس ما چانت تحب الناس
ابوكتهه الطف رسم ثوره اعله حيطان السنين وهالبقت تنجاس
ابدم واحساس
ابوكتهه حسين طك غيضه ونزع خوفه
وكابل جيشهم بس هوه وچفوفه
ابوكتهه اسيوفهم چانت تخوف الموت
والجنه ودعائه الچانن اسيوفه
ضل وحده ابطرگ ذاك النده الاحمر يودع اهله
يودع ابنه ابوصية موت
بلغ ناسنه وكللهم اتغرب
ابويه الجان حت للموت يتقرب
رِد للخيمه يبني وعاين ءمن ابعيد
وحك زينب لخلي السانهم ينضب
موش الخوف كاسر ظهري عبد الله وبچي اكماطه
النزف حد ما خلص نعناع
وشمرت الدم على الله وما رجع للكاع
الخيم جانت تنكط اوجاع
تنكط عطش لابس كيظ فوك اجروح
ورد احسين جابلهم نهر مذبوح
بچت زينب حزن جيلين واتبدت شِعر ع الكاع
(اقتباس)
عندي لاجل فِراقكم ألآمُ..فعلام أُعذل فيكمُ وأُلآمُ
ويُذيب روحي نَوح كل حمامةً..فكأنما نَوحُ الحَمام حِمامُ
من كان مثلي للاحبة فاقداً..لا تعذلوه فألكَلامُ كِلامُ
ان كُنت مثلي للاحبة فاقداً..او في فؤادك لوعة وغرامُ
قِف في ديار الظاعنين ونادها..يا دار ما فَعَلت بكِ الايامُ
ضحك الاحسين وانترست حچي اعيونه
يزينب خلي كلنه انموت باجر نندفن بالناس
وابكلشي يذكرونه
يزينب باجر انگل لله ظلمونه
بلال الصافي
رد مع اقتباس
