هذا أميري حسين صاح بكربلاء
ظاهر حبيب الهليجي
صولة الاكبر ترعب العسكر
بيده بتاره ضهضب وزمجر
*
مدلهمه الحومه وعلي طبهه بزعل
غاضب وأرعد عليهم من نزل
تاهت أبين الشرد وألي أنجتل
جنه موت أمن السمه أولفه بعجل
عل نصر جازم مطلب الصارم
صاحوا بذله هاشمي قادم
*
ركعت أسيوف الظلاله لهيبته
يبست دموم أجيوش اللاكته
ينذهل كلمن يشاهد صولته
مو علي الاكبر علي بهجمته
كلهه مرعوبه منه مسحوبه
من وصل ألهم صاحو التوبه
من وثب بالحومه راعي المرجله
كلهه رجعت ما تريد أتنازله
هو وحده أولاكن منيعادله
أصبحت صولاته مثل الزلزله
ينتقم منهم بغيض طبلهم
يعلن أباده سيفه طالبهم
*
عمامه خضره والوجه مثل الكمر
يوسف الثاني بجماله من ظهر
الشاف الاكبر حكه لو منه أنبهر
كل جمال الدنيه من عنده أعتذر
بيده صمصامه رافع الهامه
لاكت براسه تحله العمامه
*
هذا أميري حسين صاح بكربلاء
الله رايدنه أله أصبح فداء
محله يوم الملحمه ويوم اللقاء
بيهه اقدم أسمى أيات الوفاء
من تحداهه حكه يتباهه
فارس النيبه عزمه ذلاهه
رد مع اقتباس