بكلبي ديره أمن الحزن عل مر عليه
ظاهر حبيب الهليجي
بكلبي ديره أمن الحزن عل مر عليه
وليدي ضامي وأنذبح بالغاضريه
حز وريد أبلا رحم سهم المنيه
يا مصيبه الما مثلهه أبهل بريه
ينذبح ضامي يندفن دامي
*
هو بس هذا بحياتي وراح مني
الله لا ينطي الذبح ابني وحرمني
ريت ذباحك ييمه هم ذبحني
بعاشر محرم سلب روحي وظلمني
روحي مفجوعه ونتي مسموعه
أنه متعوده ألوليله وأشمه
هسه خوفي أمن المدامع لا تلجمه
ذاب كلشي أبداخلي من فيض دمه
السهم قاسي وفصل عن راسه جسمه
بكربله وليدي راح من أيدي
*
سلوتي وكلشي بحياتي أشهور عمره
ليش خدينه البهيه الليله صفره
حته كاع الطف عله أبني بيهه حسره
وسديته أعله الرمال الجنهه جمره
تبجي لصوابه لشدت اجوابه
*
لا تروح وأمك بديره غريبه
كلبي ما يرحم بدونك يا حبيبه
بداخلي يدي جرح مو دم مصيبه
جرحي محتاجك تضمره يا طبيبه
يا جرح روحي ألطف بنوحي
رد مع اقتباس