حسين يا عِزَّة نفس احرارها
حسين يا عِزَّة نفس احرارها
فتنة هذي وانت خمّد نارها
*
فتنه خطرة التهبت وزادت لهيب
حار بيها العنده فطنه وكل لبيب
واحد يودي حجي وثاني يجيب
الناس متشوشة اليوم افكارها
كوم يل دمك على الشر منتصِر
مغرضه هواي الخذت اسمك جسر
تستغل وتصيد بالماء العكِر
اعله الخدم بثت سموم اخبارها
*
فتوة واستبيان واضح للجمع
المرجعية والها احنه نتبع
موش جزئي يصير تطبيق الشرع
توجه الوادم تعزّي بدارها
يا حسين هواي وادم بالمجال
تستغل الفطرة وتثير الجدال
خدمتك يحسين نتركها محال
المرجعية تجاهلوا انذارها
انطينه من معنى الصبر منك درس
ان جان للخدمة السنة ماكو شمس
نخدمك بالطاعة ونصون النفس
محنة هذي وكلفة حيل اخطارها
نريد حل لهالوضع يا بو علي
الخادم بنارين طايح مبتلي
نار كورونا ومحرم ظل خلي
حلها بيدك وانت تدري اسرارها
ناظم الفضلي
رد مع اقتباس