شســوّت بحالچ مصـــــايب كربله
يلّي چـــــــــنتي ابّينهُم مدّللـــــــــه
وخـــدرچ المهيوب محروس بهله
اشســوّت بحالچ مصـــــايب كربله
الگَصّرت عُمرچ يبت فارس مُضر
*
من بَعـد عــــــين ابن أبوچ وخوّته
الفوگ راســــچ چانت اترف رايته
راح خــــدرچ والعساكر نهـــــــبته
وچم ألم چم لوعه شفتي وچم خطر
*
چم مصـاب الشّـــفتي وهموم وألم
من بَعـــــد ماطاح شــــــــيّال العلم
الچنتي بيه امأمّنه وحامـــي الخيم
هناك جسمه اعله النّهر طايح وذر
*
الچّان لعيونچ گمـرها وأغلى ضَي
خلافــــــه ظل حسين ما ويّاه أخَي
يعني راح الچّان الچ بوجــوده فَي
وويّه ظَهر حســين چن گلبچ كسر
*
بعده شـــفتي بعينچ مصــاب الأشد
البيّد عظامـــچ ودللالــــــچ مــــرد
فوگ صدر حســين من شفتي گعد
بســـيفه ذبّاحه وغــــده يحز النّحر
*
يَمّه عُمرچ مات من شــــفتيه ذبيح
يرفس برجلــيه ودم نحره يســــيح
شلون حالچ مدري يأم گلب الجريح
وعينچ السّــــــلابه تنظر لـيه جسر
*
خــــــويه ذاك الــــيوم صدّگني تره
متت من عفتك ذبيح اعلـــــه الثّره
وگوّه لرض الشّــــام رحت اميسّره
بحبل ذبّاحك چتفني ولــــــــــيّه جر
م
رد مع اقتباس