لحسين خل فــــــــــــــدوه بنيني
ياهي المثل شُـــــبّاني عــــــــدها
وياهي المثل فگــــــــــدي فگدها
مافارگت دمعـــــــتها خـــــــــدها
والضّحّت بأربع ولــــــــــــــــدها
*
لحسين خل فــــــــــــــدوه بنيني
يرحــــــــون بس ســــالم يجيني
يشُبّان ســــــــــعدي ونور عيني
شظل عــــــــندي بعد يمفارگيني
*
شما چل المسـه وشما سكن ليل
تذوب الرّوح منّي وينهد الحــيل
مو للأربعه دمعـــــــاتي التسّــيل
تصُب للفـوگ صدره داست الخيل
*
يريت الحـز وريده اذبحـــني كتره
وگطع بالسّيف نحـــري گبل نحره
ولا فــــــوگه تدوس خيول عشره
عساها بصدري داست گبل صدره
*
الك بالأربعـــــــــه يحسين ضحّيت
ولا حس بعطــــــــائي وياك وفّيت
ترد ســــالم يَيُمّــــه شـــگد تمنّيت
شيسوه خلاف عينك ياضوه البيت
***
أبو سجّاد الجعفري
رد مع اقتباس