قريت اخر روايه تخص الحسين
قريت اخر روايه تخص الحسين
لكن تختلف عن الروايات
بيها حسين ماموجود ع كاع
يم رب السما يشوف الحوارات
راد يشوف ناسه وشيعته شلون
فهمو ثورته وذيج المعاناة
بالاصلاح عملو فهمو الدين
طريق الحق مشو لو بس شعارات
امة جدة ثارو صارو احرار
لو تبعو يزيد بهالزمانات
لكن للأسف واقعنه مأساة
ابو سفيان يحكم والحثالات
بإسم حسين كتلو مبدأ حسين
اليحب حسين يشبع صدره طلقات
بأسم حسين حرفو ثورة حسين
بالباطن شمر ويصيح هيهات
يا هيهات وانت الكاتل حسين
وقابض من يزيد هواي مالات
ورغم قمع الحقيقه والحروبات
عاش حسين غصباً ع الحكومات
لحد الان عايش عابس وجون
وبـ اذن الزمن خلينه صرخات
انا الشيعي الرفض طغيان صدام
انا الشيعي الشبع تعذيب واعدام
على الباطل اثور وعيني متنام
اذا الحسين ميت صوته ما مات
انا الشيعي الفهم الحسين ثورات
انا الما غاش مسلم بالرسالات
انه الكشفت صدري وظهري مكسور
من الظيم شابع والحصارات
الحق ما يروح حسين موجود
بظهور المهدي ترجع تعلى الاصوات
م
رد مع اقتباس
