باچــر إتــرد المجالــس عامْرَه
الخدمه فطره وإنته محّد جابْرَه
باچــر إتــرد المجالــس عامْرَه
ـــــــــــــــــــــــ
گالوا إبرِيتــي المــرض ينزل صدگ ؟
هوه الـ يشــم مجلسـك هـم يختنگ ؟
يموت بس الماعــرف طعــم العشگ !
الـ ينتقدني بهاي حگه وعاذْرَه
باچــر إترد المجالــس عامْرَه
ـــــــــــــــــــــــ
هوّه بــس خل يقتــرب شـهر الدمع
عود ذيـــچ الســاعه أقنع بالمَــنِع ؟
بمجلســك تلگــاني باچـــر منْزرِع
منبرك لتْضِن كِسَرْت إبخاطْرَه
باچــر إترد المجالــس عامره
ـــــــــــــــــــــــ
قبل لا تثبــت الرؤيه إنْشِــد حِزِم
الموته وحـده و راح الك أجزم جَزِم
يجوز عابـس ينلــزم ياللـه ألــتزِم
الموت يرسب وانته ربعك شاطْرَه
باچــر إتـــرد المجالــس عامْرَه
ـــــــــــــــــــــــ
هوه حچْــيْ الســـان سِلْم السـالمك
الخايف مــن المــوت ما طب عالمك
وين اكو احلــه من الممـات إبماتمك
الدنيا هيه شضال بيها .. وعابْرَه
باچــر إتــرد المجالــس عامـْره
ـــــــــــــــــــــــ
ألا هـــذا العــام يصبــــح مختصـر
وافترض ينشــال من عــامك شهـــر
ياهو منــهن ينــلغي إمحـرّم .. صفر
الماله أول تقتنع عنده آخـره
باچــر إترد المجالـس عامـره
ـــــــــــــــــــــــ
خطوط حمره هواي احطهن بالگصص
حســين نعمه والحـــياة أوياه فــرص
حسيــن ميهمــه العــدد زايد ..نقص
ابو الضيم يريد وادم صــابْرَه
باچــر إترد المجالـس عامْـرَه
مهدي التقي
رد مع اقتباس
