يدريك اسد للكوفه وحــــــــــدك ودّاك
لوحاضر العباس مسلم ويّاك
بالكوفه جا صار الجره بخيبر ذاك
يدريك ابن عمك شهامه ونوماس
وحاشاك يابومحمد اتطخ الـــــراس
ضمّاه للطف هللّي خلّه العبــــاس
يدريك اسد للكوفه وحــــــــــدك ودّاك
للكوفه من ودّاك ابن حامي الجـار
رادك تذكّرهم بيوم الكــــــــــــــــرار
يعرفك عزيز وماتدنك للعــــــــــار
بالكوفه هالتاخذ مكانه اختـــــــــــاراك
ماكتله لاللكوفه ليش امشي اوحيد
لنّك شهم تدري الأمر ياصنديـــــــد
غير الكمر ماعنده الحسين اعضيد
وحّدك انت وماكو واحد لاكَـــــــــــــاك
شتسوّي اذا ويّاك جاي الكفّـــــــال
بس الله وحده اليدري شيصيرالحال
يمكن تظل الكوفه مابيها ارجـــــال
يوم الحشر طبكَت يمينه ويمنـــــــــاك
وحّدك انت اعليهم امضيك الكــون
هاي وتذبّح عشره ميّه يزيـــــدون
لوكمر هاشم جان ويّاك شلــــــون
جايعله فوك القصر وايرف الــــــــواك
شاء الله وحدك علم بالكوفه اترف
والكوفه بسمك بالشدايد تحلـــــــف
للحشر يشهدلك هذاك المــــــوقف
مثل الحسين الباري خالد خــــــــــلاّك
علي محسن الزيادي
رد مع اقتباس
