هنا

[فقار الكرخي]

بعين التمطر حسره وعبره
صدي لحسينج يالزهـــــره
شوفي شنهي صار بصدره
يصدع كلبج منظر نحـــره
أهتز الكون الهذا المنظـــر
*
هذا حسينج ظل بالمصـرع
بسيوف العدوان مكطــــــع
شيبه مخضب جسمه توزع
وأعلى أوليدج هلّي المدمـع
يم حسين حسين مطبــــــر
*
سلبوا يالزهـــراء أثيابـــــه
وذبحوا وياه كل أصحابـــه
سهم مثلث كلبــــه صابـــه
ماكو امصيبه مثل امصابه
مارحموا حالـــه يالكوثـــر
*
حركوا يالحره أصواوينه
وبعد المقتــــل متولينــــه
شوفيه شلون امصوبينــه
شوفيه شلون امسلبينــــه
خلـــوه عالتربــان موذر
*
عطشان أبنج كلبه حامي
مارووه وذبحوه ضامـي
شمامة كلبج ظل دامـــي
وأشما نحتي ماتنلامـــي
حكـج لو كلبـج يتفطـــر
*
من خمدت يالحره أنفاســـه
أتعنت من الجيش أرجاسـه
كطعوا نحره ورفعوا راسه
صدر حسين العسكر داسـه
كل ظلع أمن ظلوعه أتكسر
*
حزوا بالطف منحر طفلــه
والكون أعليه مدمع هلــــه
مامظلــوم أتعـذب مثلـــــه
ومطرت دم الدنيــه لجلــه
أو وجه الكون أعليه اتكدر
*

ســلام المشــعل

[صفاء العامري]

شكرا لك

[Secluded]

شكراً "

[انثى مخمليةة]

كالعادة ابداع رائع وطرح يستحق المتابعة
​شكراً لك