الليله وحشه عد عزيزة فاطمه
الليله وحشه عد عزيزة فاطمه
الليله أمست لا كفيل ولا حمه
الليله ردت من جديد اميتمه
حگهه لو دمعتهه دم تجريهه
لا حسين العدهه ضل ولا گمر
ومن جلوس اتصلي محنية ضهر
زينب ابهالليله ميته امن القهر
اتشاهد الشمات حاطت بيهه
زينب الليله علي يمهه يمر
ادگله بويه ماإجيت النه الضهر
ماشفت بحسينك اشسوه الشمر
وعگب ذبحه جثته امسلبيهه
من عگب ماطاح شيال العلم
حيلهه ابهاليوم مرتين انهدم
مره من حسين طاح وكله دم
ومره من حرگو خيمهه اعليهه
كلهه ماضل حيل عدهه اعله النهض
ويلي تعبانين من گد الركض
ماخذيهه كربله طول وعرض
والشماته ابلا رحم تاذيهه
حايره الليله ابعيالات النبي
اشلون باچر تمشي بدروب السبي
بس رغم مايحدي بيهه الاجنبي
ابراسه ضل يبرالهه واليهه
سيد علي الموسوي
رد مع اقتباس
