هنا

[فقار الكرخي]

ياعـلي زينــب اميـــره مدلّله
شلون يسبوها العده بطف كربله
..............

حسين اخوها الطاح گطعوا منحره
وعالنهر مطروح سبع الگنطره
ياعلي ظلت غريبه ميسّره
عالهزل راحت سبي ويالعايله
...............

ياعلي زينب عگب سبع الطفوف
عالهزل ترضاها مچتوفه الچفوف
يحدي بيها الشمر ما بين الألوف
هيّه والنسوان ياعقد الوله
..................

زينب المن تتّجه يابالحسن
لا اخوها حسين لا حامي الظعن
بس عليل وبالمرض ظل ممتحن
فوگ ناگه مگيّدينه بسلسله
..................

ريت حاضر ياعلي بدرب السبي
تشوف زينب بنتك وبنت النبي
شلون اذّاها بسياطه الناصبي
ياصبر عدها السبي وتتحمّله
...............

زينب المحّد نظر لخيالها
ياعلي ريتك تشاهد حالها
غاب عنها الكافل اليبرالها
تشتكيلك والمدامع هامله
.................

بالسبي ويّاها روس اخوانها
عالرماح امغيّـرات الوانها
ألهم تصد وتبث احزانها
من بعدهم بالحرم متكفّله



سيد زيد الفحام

[،،،،،،،،،]

شكرا لك

[أستثنـآئيـّةة❤️]

كالعادة ابداع رائع وطرح يستحق المتابعة
​شكراً لك