هنا

[فقار الكرخي]

مايحتاج اكَلك وين يالموعود
أحسنّك نبض وبكَلبي هالموجود
خلّصت العمر أني بمناغاتك
الشوكَ الحضرِتك وداني لا ماعود
جٍلماتي استحن من الخجل عركَن
اشما أسعى بودادك قاصر المجهود
وإنته بعطفك الشامل تِباريني
وتجعلهن كَمر لجلي الليالي السود
يا أخر صُبح مُشرق على الأكوان
يوجه الله الكريم الما تِحده احدود
مد ايدك عليه وخذني اظل اوياك
هاي الدنيا ظلمه والمعاصي شهود
بس آلآم بيها وشكثر أشواك
الزين الزين راح وباللحد ملحود
بيها اهواي تابع ينحني المتبوع
عسكر هالحياة اتحولت وجنود
مفقوده المشاعر وانتهه الإحساس
ضد الشين ما يوجد بعد منكَود
مالت عالفقير وحاله أرده الحال
والظهره قوي عالباطل ومسنود
جٍا يمته الفرج إعذرني من ما كَول
من عدنه السبب مو من كَلبنه تعود
لاكن مو لجلنه أظهر يماي العين
يم شاطي النهر موعد الك وزنود
وزينب آ يزينب تنتظر للحين
تاخذ ثار اخوها وضربة العامود
ظلت يمك وبيك العدل والدين
عالعالم قريبا" ينتشر ويسود
ولون أني منعني الموت من شوفك
محبتك تبقه ويّآيه العشكَ ميهود
إلك مخلوق والغيرك فلا ريدن
ميت أو عدل حبل الوصل ممدود
ما أذكر نسيت بعمري ما ذكرك
أساسا" كلي وبابك علكَ معكَود
أسيرك للأبد محلاها يا مولاي
حريتي أعيش وبس إلك مشدود
قربك يعني رحمه وجنه ماتخلص
هنياله الدخلها ايحبّه رب معبود
الناس العادتك خسرانه منتهيه
واني اوياك ما موتن اظل مولود




صالح الحلي

[ا لـٰٚـِْاء سـۛـۛـلـام]

سلمت يدك ، شكرا للجهد .

[انثى مخمليةة]

يسلموو