طول الزمن يبقه الحُسَين الخالد
حُب الحُسين بكل كَلب هل يكبر
والما حِفظ هالحُب يقينا" يخسر
طول الزمن يبقه الحُسَين الخالد
سره لإن سر الإله الواحد
خلّه يِموت الما رضه وكل حاقد
أسم الحُسين اعله المنابر يُذكر
بسمه المجالس عامره وتحيي الناس
بيها المحبه والوفه والإحساس
تاخذ مددها وترتوي امن العباس
جنه وخلد مذخوره للي يحضر
لولا حُسين ابدن فلا ظل هالدين
ضحاله كلشي بالوِلِد والطيبين
للساعه همه احياء لا ما ميتين
يذكرهم التاريخ بيهم يفخر
وين الملوك الحاربوا منهاجه
راحوا ولا واحد بقه ولا تاجه
وشوف الحُسين وجنته او أفواجه
أحبابه لحظه اتفاركَه ما تكَدر
كلما يمر دور وتمر الأزمان
هو الملك واعله القلوب السلطان
واللي يِعِشكَه هذا فعلا" إنسان
واحد حُسين وعدنه ماكو أكثر
هو السبيل الينجي من حر النار
ويمّيز الأخيار عن الأشرار
بيده المفاتيح وحُسِن عقبه الدار
يروي العطاشه باجر امن الكوثر
صالح الحلي
رد مع اقتباس
