تقدمنه بعصرنه وشفنه كل الزين
تقدمنه بعصرنه وشفنه كل الزين
الوادم بالتقدم طاحت بعثره
يفهمون المعاني بعكس ما مطلوب
ويريدون الخمس من خبزة الفقرة
الغني متروسه بطنه ومايشوف الناس
يفتش بس وقت ما تنمد السفره
والحاكم النايم ما سمع صرخات
ومطالب شعب صارت حركت ثوره
الخضار بكل زرع معناها كلش زين
بس بالحنطه بين زينها الصفره
الربع ساكيهم بماي النظر والطيب
وبوكت الشدايد حصد بس عذره
الجنت ماخذ عليه مايهد وكت العوز
اجه وحزام ظهرة مضيگه ومأزره
ربعي العاشرتهم جانو يفهمون
معنى العشره بس ايامنا العشره
عشر تيام كلشي يننسه ويروح
ومايبقه بكلبهم حتى بس ذكره
الصديق الكالك للموت ما انساك
احسبله الايام وينكشف سره
اليظل وياك حد ما تدخل الملحود
عله حساب الورث حافرلك الحفره
شكد محظوظ ذاك العنده بس اثنين
كلب طيب و ناس التهتم بأمره
م
رد مع اقتباس
