ابقه اتذكر مصايب كربله
هلالك ابوجهة السما طابع اثر
مثل سيف الشمر من حز النحر
من تهل والشهر كالولي بده
طلعتك جن ضربة اسياط العده
كل سنه مصاب الطفوف اتجدده
وكلبي كل عام ابهلالك ينفطر
ابقه اتذكر مصايب كربله
الخلت اعيون الفواطم هاملة
والضعن من راح فاكد كافله
مكطع الجفين ضامي اعله النهر
وتبقه دمعاتي يحفرن وجنتي
وبين خطوة وخطوة تصبح عثرتي
يطحن اظلوعي طحن فكد اخوتي
وحالي بجفاهم فلا يوم استقر
بالسمه باول لياليك اشوف
هذا ثوب حسين شاركته السيوف
بالسمه منشور خيّم ع الطفوف
يهمل الدمعات من دمه الحَمَر
بالسماء السابعة أسمع ونين
وهالنداء الازلي بمر السنين
يبقى يهتف يالثارات الحسين
ويبقى ذكر حسين حد يوم الحشر
م
رد مع اقتباس
