هنا

[فقار الكرخي]

عفه وجه الصبح ما يستحي من احسين؟
ما حس ابطلعته ارتكب يا منكر

خدر العيله لو بان الصبح ينشاف
واجب جان عن الطلعة يتعذر

اليستر حرمه ألله يعلي شانه ابهاي
الليل شگد عظمته ويستر الخدّر

ولمن قررت تطلع يصبح البين
ماخليت شمسك بله تتأخر

تره اوجوه الورد تذبل ابحر الگيض
وبشمسك اخدود اطفال تتفطر

ما حاجة الشمس تطلع وراس حسين
من وسط السمه اعله الرمح ظل يزهر

شمس تگطر نده ما صارت ومتصير
ومن راسة الشريف الدم نده گطَّر

شمس وترتل ايات الكهف للنوك
عن لا باليتامة النوگ تتعثر

لحد ما أنّت النوك ودخلها احساس
الفوك اظهورها اربات الفحل حيدر

وصِعدو عالهزل والالم حاط اثنين
العليل وعمته وظل ممتحن أكثر

عله ركب الهزل ياهو اليعين ايديه
ولون يصعد الاول عمته اشتگدر

شَد حيل الامامة وفكره يم حسين
وعمته لو تظل يلگيها ع المنحر

ركبو عالهزل وانشاف ظهر النوك
جن آخر حرف من سورة الكوثر

صورة كربله تبقه دماها الوان
تسيل اعله الإطار انچان تتأطر

عين السمة انصابت بالرمد لليوم
وذبت كل دمعها من الجرح أحمر










م

[Haidar Iraq]

[ا لـٰٚـِْاء سـۛـۛـلـام]

سلمت يدك ، شكرا للجهد .

[انثى مخمليةة]

دُمتَمْ بِهذآ الع ـطآء أإلمستَمـرٍ
يُسع ـدني أإلـرٍد على مـوٍأإضيعكًـم