درر العراق

ارجع يازمان · 26/August/2020

ابو فاضل والنعم زين الزلم
بالزلازل هَزهه وتعناها

ما سلم منه التحزم ونهزم
والمنيه ابوجهه يتراواها

واحد العدوانه و اهواي انثلم
والجموع ابكل كتر لاكاها

أسأل العدوان ينطونك عِلم
كلمن ايظن ضربته اتلكاها

وين ميشردون يلكوله رسم
وضربه للعباس ما ثناها,

وين ميديرون يندار العلم
طشراها ..ابرايته ولماها.

ياهو اليجاوبنه خاطر نفتهم
الكعبه يم طف كربله اشجاباها؟

الدليل حسين طاف اعله السهم
والسهم حب عينه ما عافاها

انه الح ابهل سؤال وأستهم
لازم اعرف وافتهم معناها..

راية العباس رفة من هجم؟
لو أبابيل الترف وياها!!
لو أبابيل الترف وياها!!
حسين االساعدي