مثل كرار راعي الجود قسور
تكتر ياملاك الموت وانضر.
گمر عدنان ضل بيهم يطشر
يسل ارواحهم لو بس يزمجر
الخوف يمر جمعهم لمن يمر
كلها تموت لوصاح. بجاله اليوم ترتاح
مثل كرار راعي الجود قسور
""""""
اخذ دور القبض والگمر گدها
القبضها ياملك بس انه اعدها
ماتحصيها ذيچ السيفه قدها
ولا الابجدمه من صال ومردها
بيهم ركز ارماح. بجاله اليوم ترتاح
انه اختاريته وابها الأمر اجهر
""""""
أنه اختاريته الها يصير كافل
لئن شفته بعزم لمن يقاتل
قَبض روح وكفاله وهذا حاصل
الگمر بالطف صبح افضل مناضل
ترس عدوانه اجراح. بجاله اليوم ترتاح
لخيامه يموت الحچه وفكر
""""""
كافل خدر زينب ماكو غيره
وهيه بجال كافلها أميره
النظر عن الگمر صعبه من اديره
التكفل بالخدر مليان غيره
الزينب صاير اجناح. بجاله اليوم ترتاح
بوجوده ياملك فرحت الخدر
""""""
لمْن هد عالشريعه وبيده سيفه
اخذ منهم گبل ماوگع حيفه
نَضرته من هجم كلش مخيفه
ويوذر بالجثث موش اعله كيفه
بيده ارواحهم لاح. بجاله اليوم ترتاح
عشگته بالحرب چي بسمي كبر
ضياء الكناني
رد مع اقتباس
