نسيت ابالي ناگع طيف !
نسيت ابالي ناگع طيف !
ونسيت البيك يشبهني وخضاري اشتم
سمّوم الصيف ..
يلجيتك كحل لعيون ماتعرف تضــوگ افيش ..
وجذافك ضلع روحـــــــــي
وروايحهم كلتّك گیش
يا گمره وشربها الليل !!
واغانيك نعاوي شموع تلچمني
وتبوگ الحيل ..
علمني الغريـب ايموت
وعلمني الوطن للحوت
وفهمنـــــــــــي اليحب الناس يتناوش
سمار غروب ..
وحچيلـــي زلف ماضاگ وتحنّه ابدغش وچفــوف ..
فهــــــــمني !
بضمير الماي من يعطش يبوگ اجروف ..
وخذني الكل ضرير اعيون
بدّيني سچـــــــــچ ودروب ..
بدّيني عتـــــب لعيون
مالمت وجه محـــــــــبوب ..
ولا رسمت درب لناس
بس تعرف تلثم اعيـــــوب ..
بچّيني هـــــــــويت ابچي!
اريد اعمه وحزن يعگوب !
بعدني شما يجيسك ليل تلگانـي وجه ناطور ..
تلگاني الخضارك ماي و مناغه
وخلگ ناعور ..
مد روحــــك ضوه وشباچ
لفرفحلك جنح عصفور
تلگانــــــــــي ابسماك اعيون
طير امتيّه و مكسور!!
جاســـم الصاكي
رد مع اقتباس
