راسمينك طايح اتدور اعله راسك ، شعر حسيني
حسين يا فتشة اعيوني
و يا رفيف الـ بيسرتي
يا شهيد ومنتصر ع السيف دمك
خذني يمك
هذا يا تاريخ يكتب
أنته طايح
كلشي طايح فدوه يم خزرة اعيونك
يالحنين
و كاتبين حسين ضل امعوز اصبع
هذا يا چف الي يمسح عيني الـ بمقتلك تدمع
راسمينك
طايح اتدور اعله راسك
ما دروا شاء الله راسك يرسم اعله السمه دنيا
و لونتها ابوجه اخوك
و لو لفه الليل واجانه گمر هاشم
تارس الدنيا ضواه
شما اضيع
و تجي ابروحي
نسمة چن ريع اعله گلبي
يا هوى اعذيبي ابحياتي
يا محقق أمنياتي
استوني اعدهن
وافتح اچفوفي الدعنك
والگي حاجاتي يتراولي محابس
حقه عابس
من نزع ثوبه وتبدا اگبال طولك
يا حبيب اجروحي
اخذني الدنيتك
دنياي ترستني حوافر
وحق صدرك يوم عاشر
كثروا اشمورا علينه
و چم يزيد ابچم يزيد
و من طلعنه انثور مثلك
خلوا اتسيل الدموع
وگلنه عادي
الشمعه تبچي وترد تلتم
تموت سكته
وترفض
اتضل بشكل مالت ركوع
و صحنه حقنه نريده
ي حسين انكتلنه
و منهو النه
انته يا قائد حياتي و يا ثورتي البيها افخر
شمه من شباچك اتعادل حياة
يا سفينة الماخذتنه للنجاة ،
اعــراف آل تميم
رد مع اقتباس