الدمعة شريعة بجربة العباس
تجتر
والدرب مايگظي
والرملة
تعرف الفاگدة اخوتهه
تندار الشمس
والنار حدر الگاع
تلهب والرچاب ابموش ديرتهه
يضيع الليل
والضويات مسبيات
ماظل گمر نشچيله
ويفزع والسمه يعتهه
نخيتك رجفت الشيلة
وينه الچان غامتهه
رد ياحارس الليله
عندك وادم تزتهه
هنياله اليفر اليوم
ياخذ نظرة توميله
طوينه الگاع
ردنه نشوف فزعتهه
سكت كلشي
الغبار انصبغ دم ثوار
والريح التودي أخبار
مات حسين
أول مرة أحس الدنيا ماتمشي بأرادتهه
أول مرة أحس الخطوة أطول من مسافتهه
جفل وجه الصبح
والصحره تچوي الغيم
والكوكب شرار
وناس تاكل ناس
والدمعة شريعة بجربة العباس
بوگه من الوكت ياخوي
بوگه وما محسبتهه
اعاين عالرماح تلالي من بعيد
بيارغ والضوه متيه شعاع وخزرة من صنديد
من عدنه السماء تريد
ومن عدنه الشموس تريد
ومن عدنه المنايا تريد
كلهه تريد حصتهه
مناير شتمت بينه ويه الحگ عداوتهه
وادم كفرت بينه واحنه شراع ملتهه
صلبونه وقضية رب
ظلت للخلگ رايين
راي اعله الكراسي يموت
وراي يموت لجل حسين
مهند صاحب
رد مع اقتباس