هنا

[فقار الكرخي]

عاده البشر لو چان محسوب اعله ديره
يتنخه بهله وناسه من يوگع ابحيره
بس خادم اهل البيت وجهه المن يديره
يمشي ويروح الكربله الشيخ العشيره
ايعرفونه كلشي زين...شيخ العشيره حسين
(شيخ الخدام ايسمونه)

طبع اليمر ابضيج واهمومه اشكبرهه
هالشده ليل انهار محتار ابأمرهه
يصرخ يخو زينب تره يمك يسرهه
وايجاوبه العباس مگضيه اعتبرهه
يرجع يگل للناس...ميخيب العباس
(بس گتله ابزينب حلاهه)

ماهمنه حچي الناس من نقره قصيده
خله اليلوم ايلوم كلشي مايفيده
بس چلمه وحده عدنه للناس العنيده
ياعمي لو هذا العشگ لوما نريده
ياعمي لتلومون...بالخدمه متفهمون
(والعاقل يفهم معناهه)

ساعه تگول الوادم اعلينه مغالين
ساعه گضوهه بس لطم وادموع كل حين
كافي مجالس ياخلگ مايقبل حسين
ياعمي هو حسين خلانه مجانين
بالعشگ والإيثار...مرجعنه عابس صار
(عابس بالطف شگ اهدومه)

أم البنين العلمتنه انحب مثلهه
كل حين لازم لم گمر هاشم نگلهه
لحسين فدوه اتروح هاي الدنيه كلهه
لو نمل كلشي هالمجالس مانملهه
عدلين ولو ميتين...ماعندي غير حسين
(للخدمه ابجاهچ وفقينه)








م

[علي الواسطي]

احسنت النشر

[انثى مخمليةة]

احسنت النشر