غالي ايودع ابغالي المسيه
اشلون اوداع برض الغاضريه
غالي ايودع ابغالي المسيه
مابين الصواوين...يمشي وحاير حسين
غالي ايودع ابغالي المسيه
ليلة اموادع الليله اشلون ليله
بالمواجع كلمن ايودع خليله
هالمسيه اتهيج احزان العقيله
اليا مصيبه اتنوح والمدمع تسيله
إبچي وصُبِّي دمعاتچ يالعيون
اليحرسون الخيم باچر يرحلون
واعله الفرگه ناوين...يمشي وحاير حسين
غالي ايودع ابغالي المسيه
أبو اليمه ابكلشي وَصًّه الهاشميه
وگلهه يازينب أمر يصعب عليه
شوك بيهه الگاع شلته امن الأذيه
خاف باچر حافيه اتسحگه رقيه
من ضمن الوصايه گلهه يم عون
عينچ عاليتامه لا يضيعون
تهمل دمعة العين....يمشي وحاير حسين
غالي ايودع ابغالي المسيه
اشلون حرگه والگلب زادت حرگته
والله صعبه اموادع العباس واخته
ويلي واحد يشكي للثاني حسرته
روحهم مثل الشموع اتموت سكته
والله اوداع ضل يجرح بالاحساس
بين الهاشميه وبين عباس
صعبه عند الاثنين...يمشي وحاير حسين
غالي ايودع ابغالي المسيه
صعبه ياجرح الهجر ياهو اليحمله
الليله الله يساعد ام جسام رمله
يابعد روح الحسن يبني تِگلًّه
عله افراگك مدمعي من دم لَهِلًّه
تسعر بالگلب جمرة غيابك
راح ابچي العمر كله الشبابك
يبقى الحزن كل حين...يمشي وحاير حسين
غالي ايودع ابغالي المسيه
حسين وَدَّع عيلته وشاهَد حِزِنهه
مثله ليله اتودع الاكبر إبنهه
آخ ياحال الرباب وحال وَنَّهه
هاي آخر ليله عبدالله ابحظنهه
إشبع نوم هالليله يمدلول
باچر مَحَّد ايگلك دللول
وينك والهجر وين...يمشي وحاير حسين
غالي ايودع ابغالي المسيه
سيد علي الموسوي
رد مع اقتباس