وداع...حسين ماناسينه
وداع...انصيح يامهدينه
وداع...حسين ماناسينه
لبو صالح عِين روحك ياموالي
إلطم ابحرگه اعله صدرك لاتبالي
هاي ليله تختلف عن الليالي
الليله زينب تنحب الفگد الغوالي
وداع...والهجر ماذينه
وداع...حسين ماناسينه
صيح للمهدي إجيناك المسيه
واعتقد موجود حاظر بالعزيه
گله ماننسه جروح الغاضريه
وننسه كلشي ومانسينه الهاشميه
وداع...زينب اتبچِّينه
وداع....حسين ماناسينه
يوم الموادع نعيشه ابحسره وب آه
حزن ليل العاشر ابدا مانسيناه
تعتلي الصرخه حسينا واحسيناه
والعزاء ابكسرة الخاطر إجيناه
وداع....جمره تسعر بينه
وداع....حسين ماناسينه
يامن اتخلصنه من الضلم والجور
الليله يامهدي دعينه ابگلب مكسور
الله لا يحرمنه من لطمات الصدور
هالشعيره يابو صالح تبعث النور
وداع....منهه ماملينه
وداع....حسين ماناسينه
الليله وي زينب نهل ونجري عبره
ليلة العاشر تضل بالگلب جمره
خل نصيح ابصوت واويلاه يزهره
إلچ يامحله الوداع الليله نقره
وداع....فاطمه اتلگينه
وداع...حسين ماناسينه
م
رد مع اقتباس