هنا

[فقار الكرخي]

لتخلي روحك حايره
واشويه عيد الذاكره
واذكر النايم عالثره
وقيم العزاء

عله روحك لا تخاف امن المخاطر
إخذ درسك من حبيب ابنَ مُضاهر
وابد لا تنسه ألا هَل من مُناصر
تنصر المضلوم من تحيي الشعائر
كلمن تعنه المأتمه
حَتماً تحفظه فاطمه
وام البنين اتكرِّمَه
درع الوفاء

گوِّي حيلك للخدامه وشدِّ الاحزام
وشيل دمعاتك واركض طفي الاخيام
اشلون منقيم العزه وببيوتنه انَّام
وباچر المهدي ابدمعته ايگابل الشام
والما جرح گلبه السبي
شيگول باچر للنبي
واعله المصاب الزينبي
تبچي انبياء

ينتحب گلب الامام المهدي مجمور
چن نِّحسَّه ايگول لمن يهل عاشور
اشلون مانحظر عزاء ونلطم اصدور
وضهر ابو اليمه على العباس مكسور
واشلون مانحني الضهر
وحسين ابو اليمه انكسر
من شاهد ابعينه الگمر
ينزف دماء

شهر عاشور المآسي وشهر الاجروح
لازم الرايات نرفعهه اعله الاسطوح
اشلون مانلطم وابو السجاد مذبوح
وسفه نبخل بالدموع وزينب اتنوح
فشله الگلب ماينجرح
وحسين باچر ينذبح
ياويلي راسه اعله الرمح
اتشوفه النساء

يلله ياخدام صيحو يالزچيه
مانهيد وبينه نار الغاضريه
اشلون ويه اعيالنه اتطيب المسيه
وبالخرابه اتنام مقهوره رقيه
والخادم الگلبه حزن
ودمعاته وي زينب جرن
مذخوره عند ام الحسن
يوم الجزاء







سيد علي الموسوي

[انثى مخمليةة]

مجهود رائع
شكرا لك اخي..... على

الموضوع المميز