هنا

[زهرة ناصر]

السلام عليكم شيعه موالين
هذه اول مشاركه لي اتمنى منكم المساعده
ابحث عن كذا قصيده الي الملا محمد بوجباره اذا الاقيه مكتوبه واحد يساعدني
لطمية السلام عليك ياحسين
لطميه انفاسه تنهيده
لطمية ياليل القهر
اكون شاكره وممنونه الكم واجركم على الزهراء

[Suzana]

عليكم السلام والرحمة واهلا وسهلا بيج..
تم نقل طلبك لقسم اسئلة واجابات لكونه القسم المناسب ولكي يتسنى للاعضاء الاجابة

[المستشار القانوني]

وعليكم السلام ورحمة الله وبركاته
هذه احد قصائد محمد جبارة... أداء.. باسم الكربلائي... عسى أن تفيدك

#كايل_لا_تنوحي
#محمد #بوجباره
كايل لا تنوحي ... لو كثرن جروحي
وشلون انسه روحي ... وانه روحي عباس
•••▪▪▪•••
حين ودعني كفيلي ... عيني ضلت عالادين
كمت اكله يابو فاضل ... ريت عميه ومالي عين
من اشوفك خويه جني .. شفت امير المؤمنين
ابلا علي وعباس ابقه .. ولاحسن عندي وحسين
كلي يالعقيله ... عباس اندعيله
هالفركه طويله ... اه يا غدر الانجاس
•••▪▪▪•••

خطوته الاولى المشاها .. عالارض رسمت حبال
بثاني خطوه سمعت صرخه .. راح هاليوم الدلال
كتله خويه خلي منك .. بالخيم صوره خيال
كلي راح اتجيج رايه .. اسهام متروسه ورمال
وكلي لا تجيني ... ليذبحج ونيني
خوفي اتشاهديني ... وانه باخر انفاس
•••▪▪▪•••
هيه ساعه حسين اجاني. وشفت دم بيده يسيل
كلي مو دمي البديه ... هذا دم عين الكفيل
لون شاهدتي اللي شفته .. جان كلتي مستحيل
منهو يوصل راس اخونه. هذا ابن حامي الدخيل
راسه بلا عمامه ... مهشومه عظامه
والطبره علامه ... ظلت يختي عالراس
•••▪▪▪•••
الجيش ظل يحجي عليه .. هاي زينب بالطفوف
شوفو ماعدها محامي .. عالجثث كامت تطوف
روحو يمها وضربوها ... وكيدو منها الجفوف
ولون ما تمشي بسبينه .. نسحق حسين وتشوف
خل نحرك كلبها ... ونتوله سىلبها
والعسكر يسبها ... ماظل الها نوماس
•••▪▪▪•••
كلت اروح الماي اشوفه .. بلجن ايرد لو اجيت
من نظرته طحت يمه .. عالوجه مثله هويت
كتله كوم اعليك امي .. ابحال اختك مادريت
حسين طايح بالمعاره .. وانه بس وحدي بكيت
صوته ما سمعته ... ظل يتلوه سكته
يدري انه اخته ... وحدي ابلايه حراس
•••▪▪▪•••
انه متعجبه ابسكوته .. غيرته طاحت معاه
ظهر صوتي من رحيله .. كمت انادي خويه اه
شمر ماهو بعيد عنه .. كلي لا موتج ورى
حسين خوج كطعت راسه.سيفي يكطر من دماه
احجي وصوتي عالي .. ماظل عندي والي
وما كامو رجالي ... بس حاطوني ارجاس