جايب هالقساوة منين؟؟
نويت وقررت مني ماخذيت الراي
ونسيت الطير حالة ابدون اغصانك
تعاقبني بهجر مافكرت شيصير
وانت اعرف بحالي ان هاجر اوطانك
ما غالط بحقك هم استاهل الصار
بس ارحم كَلب هسه دَك بابك
تبتعد عني مو انته هيج اتريد؟
وسهل عندك انسه احضانك؟
وسهلة عندك تنكطع وياي؟
بس صعبة عندي اسمعها بلسانك
مو انته العيشتني ابكَلبك اسنين
شجاك بقسوة منه اطردت احبابك
صح لحظة غضب آنه وياك
بس مو معناهه تسد بوجهي بيبانك
وانته بقسوتك غيرت بيه انسان
صَدك فلا رح تعرفه بيوم انظارك
ع حالي بجةاوياي حته الليل
تاخذني عَبرتي وتردني الحانك
راح اكلك مَن اني واكتبَها ابدموع
شوفهه ابكَلبك ابد لا تقره بلسانك
آنه اللي احبك اكثر من الروح
وما تسوة روحي ابدون انفاسك
وآنه اعتذر من كَلب ماعرف يوم يخون
واتذكر كل دقيقه كَلبي الصـــانك
والله بكل رحمته يسامح الناس
وانت العبدلله ماتغفر لخلانك......
رد مع اقتباس
