المشاركة الأصلية كتبت بواسطة فقار الكرخي
شوف شيخنا
طبعا الموضوع مو شقى والله
مرة اخذني صاحبي ورحنه على بيت شيخ كمر
بمنطقة الفضل هذولة ناس معروفين
اني ما اصدك بسوالف البخور والحرمل وهاك ورقة نكعها واشرب ميها
صاحبي كلي اني رتبت وية ولد الشيخ
احنه من ندخل للبيت
انت لتحجي بس من يوجهلك سؤال جاوب بأختصار
كتلة اوك
طبينه
سألني الشيخ ما اسمك
كتلة كنعان
جان يكول الصاحبي هذا بي جني يهودي
كتلة يمعود مابية شي
بس هذا الحلم يومية احلم بي مرتين
نمر يركظ وراية
جيب البخور ودي الوصلة
وهاك الكواغد
وهذا رقمي اتصل علية وكلي شلون صرت عالوصفة
خابرتة ورة يومين
كتلة شيخنا اشو انوب اجاني نمر اكبر
كال اي شفت شلون الوصفة مالتي اشتغلت
كتلة شلون
كال النمر كام يكبر وراح يصير شايب ويموت
رد مع اقتباس
