موقفك شالة ابو فاضل علم
صگر و مبرگعينة
الرمش سيف أعلى عينة
هلهلي....
صلابة وبي ترافة
ترة هاي الكلافة
من علي....
شمعة شمعة يبني حاسبتة العمر
مو طويله الضحكه جن طيف الظهر
مهرتك ابكل أثر تحفر گـبر
عيونة شايل مدري ريشات الخضر
عطر من جرحة نازف
ابن سدر المضايف
هلهلي
ابوه ادلالة سمرة
خذة أعلى الملگة شمرة
من علي
....
يلضواك بكل شبابج ابتسم
عالمناحر سيفة يرسم لو قلم
موقفك شالة ابو فاضل علم
بسيف جن جذع النخل هاكد ثلم
شكثر شايل فراسه
الحسن بي عَلة راسه
هلهلي...
يعريس المعارة
وكف وكفت منارة
من علي....
سيفة يلمع مدري سيف ابني ابتشر
ابني يجري مروة لو يجري النهر
ماي البگصتة ترس جود الگمر
جنه ميل الساعة ابني من عثر
جفل فرسة بخزرتة
أشد ظهرة بغترتة
هلهلي....
نكتهم جل خواجي
هلا بملح محاجي
من علي
يابعد بيتي أعلى هاي سوايتك
شمس الغروب احمرت من زعلتك
من أسمعت يبني چفوها دلتك
ما خذت بيهم خطية ورحمتك
نزل غيضة يتجادح
يهب اسمومة بارح
هلهلي
وكف رمحة أعلى طولة
عگرهم جن ذلولة
من علي
ياهو كال القاسم تمايل نزل
والله لو ما عمه جا هوة الكفل
كل ضوة الله بوجهك وليدي اشتعل
من نزل نقرة المعاوذ و القلل
بلا حس چنها موته
المعسکر نصه صوته
هلهلي...
يبعد ايدي گلتلة
انه امه و هوستله
من علي
للشاعر سجاد التميمي
رد مع اقتباس