راحولي هواي بكربلاء
شوف القلب مثل الجمر
واحوالي سيئة احوالي
مسبية انة عد الغورب
ويمتة اهو يبرالي
عاتبتة وعيوني تصب
محروكة ليش اطفالي
تسحك على رماد الخيم
وبس الحزن يحلالي
مشكلتي وي هاذه الزمن
ياخذلي بس الغالي
هاي المنية كروبت
وجتالي اجة جتالي
والله الهجر كلش صعب
صعب علة ناس امثالي
وهمومي ثكلت والله شكثر
تل المصايب عالي
من جينة مهيوب الضعن
وبل الرجعة منهم خالي
شسوت بية كربلة
هيج كسرت دلالي
راح الي جنت بخيمتة
وبقيت انة لحالي
الف وتسع مية جرع
حاسبه ضل خيالي
اردي انتة ماترجع بعد
وفراكك حيل اذاني
شلون اعيش بدنيتي
ومو يمي همة خواني
واحد تركتة علة النهر
وماضني اهو ينساني
والثاني ضل بلا غسل
هزني وهدمها اركاني
يضربني ياخوتي الشمر
سباكم وسباني
اشكف بدية من الضرب
من سياطهم عدواني
ومجلس الطاغي حضرت
شفتة انة وشافاني
كلي انتي زينب بت علي
وبضحكتة سلاني
وشفت انة انجوم الضهر
ابن الزنا راواني
بية الهضم من الزغر
والضحك ابد جافاني
كتلة انتة ابن اردى الخلق
وانة الله معلي شاني
يحجي علية ويبتسم
وكام اهو وطكاني
ياحسين بنيتك بل اليسر
تنده عليك تعاني
بيها المرض كلش كثر
وعاشت بهمهة الثاني
ومصيبتي ماتنحمل
واتغيرت الواني
وكفت علة التل وتنادي
ياخوتي الحكوني
تعالو لية بل الحلم
علة مصيبتي صبروني
كلولي ها يم الحزن
بهذا الاسم نادوني
ومن ارجعت لمدينتي
هناك الاهل لاكوني
شافوني كايتة الحرم
عن عودي هم سئلوني
كتلهم طاح بكربلاء
وناحو وندموني
سئلوني عن ذاك الكمر
كتلهم ماي اعيوني
عليمن تردون النشد
وبخيامي هم حركوني
مجتوفة انة بل السلسلة
بت الوصي جتفوني
راحولي اهواي بكربلاء
ناسي الي يعزوني
مكدر على فراكهم صرت
وياهم اي دفنوني
منقول
رد مع اقتباس
