ياحبيبي ياحسين
ياحبيبي ياحسين
شلون ما اكدر ازورك حيل احساً بل الهضم
بطارف عيوني دمعتي وباد ياحسين العظم
يعني هاي السنه كلش ماكو مجلس للطم
غير اموت وروحي تطلع وابجي من هذا الضلم
حيل متشوق وحكك ياحبيبي لشوفتك
ياطبيب جروح قلبي والله احن لزيارتك
همي كله يروح مني من اشاهد كبتك
لهذا لاتحرمني منك ارزقني دوم بخدمك
خاف تحضرني المنيه بهل العمر ياحسيني
وانه مقصر وياك حيل وماموفي بديني
اسئل الله يمده عمري وابقى تهمل عيني
عله المصيبه ادموعي اهلها وهذا ما يكفيني
عايش بطفك حبيبي وقلبي مكسور بجفاك
انه رايد نضره منك مالي احد بس سواك
انت المهود عويلي وجاي اتنفس هواك
حاشه ماتنساني والله وابد ماتترك وراك
العمر كله مصابك وراحتي بهذا المصاب
احنه لوننكطع عنك نعيش بل الدنيا بعذاب
شفت خادم ثوبه شكه وطاح رئسن عل التراب
ذره من جنون عابس صار عده وبيك ذاب
شما اشربه الماي اذكرك ميت انت من العطش
اصفن وارفعها ايدي والقلب ليك ارتعش
لكربلاء اتوجه واسلم والعقل بيك اندهش
مكطعينه قطع جسمك ماحوا ابداً نعش
الحرم بل الهيمه ضلت وانت راسك عل الرمح
كربلاء اكبر مصيبه جرح مشدود بجرح
قصه من زغري اعرفتها ومن تمر ذكره انذبح
لهذا انه اتمنى ازورك بلكي قلبي ينشرح
الشاعر / علي حسين الجياشي
رد مع اقتباس
