معاجز ملحمة الطف..
......................
كبل الاف السنين...
بلنواويس وكربله انكتبت قضيه..
بقلم رب العرش محروسه وابيه..
والمكان الغاضريه..
والزمان محدد بعاشور..من تحكم اميه..
وارث اهل العزم قائد..مامر بكل نبي مثله..
بكلشي ضحه وهو يدري..
فده لجل الدين نحره..وهو يدري..
اشكد قاربين الهداهه..
دمه ثوره وصار عنوان انتصار..
بلسمه هذا القرار..
كربله تصبح مزار..
كعبه وتحج ليهه كل الناس من اقصى الديار..
وارث ابراهيم من حركو خيمهم..
النار بردا وسلام..
لان رب السمه حاميهم اكيد..
من ورث نوح بدليل..
السفينه الناجيه بعرش الله مكتوبه تنور..
نعم مصباح الهدايه المسح كل ذاك الظلام..
ومن ورث موسى كليم الله ..
علرمح راسه ويناجي بالاله..
يرتل ايات الكتاب..
ومن ورث عيسى نزل جبريل هز مهد بامر رب العباد..
ومانزل جبريل هز مهد انبياء..
امه حوريه وروه درهه رحيق...
من حليب الجنه من اطهر رحيق..
مريم العذراء من رطبات درهه..صار وتروه المسيح..
ومن ورث جده محمد..كل كلام يكوله طه..
شي اكيد من الوحي هذا الكلام..
حسين مني يعني سبطي..
اني من حسين ايه..
تحمل اسرار الرساله..
اذن ثار الله ..مكتوب الحسم يوم الطفوف..
اصبحت بلطف معاجز..
مطمئنه النفس تصعد للاله..
ودم رضيعه المانزل للكاع قطعا..
هاي اول معجزه بارض الطفوف..
العلم والقانون ظل محتار بيهه..
شلون صارت..
مادرو رب السمه ينصر نبيه..
كلهه مرسومه الصور بالغاضريه..
وتنكطع اطهر جفوف..
تمثل الايثار بيهه..
وتنسبي اشرف عقيله..
اتصير ثوره وتنتصر اشرف قضيه..
وتنفضح اجلاف اميه..
لان برض الشام مكتوبه منيه..
وتصعد الرب العرش روحج رقيه.......
..................
(ابو عقيل الدغاري)
رد مع اقتباس
