لبوي حسين وينه الياخذ اكتابي
لبوي حسين----وينه الياخذ اكتابي
بلكت يجيني--لوقره اعتابي
--------
بلكت يجي ويشوفي شحالي
من يوصل لبوي حسين مرسالي
حزن واهموم شال اثنين دلالي
اون امن المرض--لوفرگت احبابي
--------
ماهمني المرض وابچي اعله فرگاهم
دولبني الگلب ماقبل ينساهم
كل يوم انتظر بالباب ملكاهم
ولا واحد رجع ---منهم يدگ بابي
---------
ماواحدرجع منهم وفرحني
يماسيني الهضم واهم يصابحي
جرحين الوگت ياناس جارحني
اداوي اصواب گلبي--وينزف اصوابي
--------
اشد اصواب گلبي باصبر ماطاب
واتسله بونيني ودمعي السچاب
فتره امن الوگت وتعاود الغياب
وانه اتعطلوا----مااجواغيابي
----------
مدري شعطلاهم بطت غيبتهم
رخصوني شعجب ماني عزيزتهم
حسبت احساب ترجعلي صعينتهم
طلع فاشل رجاي---وخايب احسابي
---------
طلع فاشل رجاي وخابت اضوني
مارجعوا بعد للدار شمروني
كتبت اكتاب واهمل دمعت عيوني
للوليان وديته---اويه الاعرابي
م
رد مع اقتباس
