نعزي الامه الاسلاميه بحلول شهر محرام الحرام
شهر انتصار الحق علئ الباطل
ويوم انتصار الدم علئ سيف
قصيده للمبدع حسام الحمزاوي لمولاتي السيده زينب عليها السلام
مشت لحسين بس تريد وصله
وتريد تعرف ذبحه منين وصله
ليل وعطش للخوه مشت وصفاحهه التحوه
موبس الماي ماهوه حته الهوه مو هوه
تكلب بلجثث كوه
كضته بهوه مو هوه
تلكاهه اعلئ طوله وصله وصله
اسم الله اسم الله شالتهن سويه
ملتم النهر ومطشر حسين
ولتعوزعه الحوافر من يجمعه
زينب ما لكت عباس وحسين
بثواب اخوته يا طايح تودعه
راحت ليل بلكي يكوم عباس
خذت جوه العباء لشفافه دمعه
هوه نار الخيم سوالهم خيال
يمشي وياهه بس تشوفه لسعه
ولكت جفه ومشت ع نزف للماي
كبل لاتوصله واحد تسمعه
كلهه انتي منو كالتله عباس
كله وكع كلتله فزعه ارد اشوف
العايفك تمشي عله رجليك
لكبل لو شفته راسك ما تطلعه
الكبل لو شفته ترحف رجفه الماي
من شاف ابو فاضل حط اصبعه
بشوفه ريشته يخفون الثكال
بشوفه سيفه ريجك ما تبلعه
هسه تكلي وين وين تردين
ماكتله مبل من شفت درعه
ولو معروفه من اطيح السباع
الجبان يبيع ع نسوان سمعه
وطبعا طلعت راسك لمن طاح
مطر لو طاح كل يابس يطلعه
كالها بعد ما يسمع صياح
ولا عده جف للي يودعه
كلتله ابو فاضل مو زلم نوم
ولا اي واحد يعوف اخته تنعه
دروح وكله زينب جايه عليك
اذا ماكام هذا الجف اكطعه
غير السهم ياهو الوصل عباس
منو لبيكم لشايف لون درعه
خيركم يباوع من وره لكاع
مثل لخايف ليدفعونه ربعه
وخظر حيلكم من طاح عباس
شفت مشلولكم يركض بفزعه
سبع يغلب سبع جيتو تركضون
لمن شفتو بلترجيه لمعه
بس عباس طاح من العطش ماي
وعله حساب الستر ما راد رجعه
من شاف شريعه بعازه حجاب
غطاهه ووكع جانت مفرعه
رد مع اقتباس
المشاركة الأصلية كتبت بواسطة فروحـة الملڪة
